Hapet një shkollë shqipe në Bolonja të Italisë

Në komunën Castenaso, në provincën e Bolonjës në Itali, më 22 prill të këtij viti u inaugurua hapja e Shkollës Shqipe. Kjo ngjarje u vlerësua si një arritje e madhe për mbrojtjen e vlerave të trashëgimisë kulturore përmes gjuhës.

Projekti lindi nga komuniteti shqiptar që banon në këtë zonë, me mbështetje të shoqatave si “Korabi”, drejtuar nga Astrit Poti, sipërmarrësve dhe aktorëve të shumtë, bashkëndarës të synimeve primare të kësaj nisme.

Shkolla fillimisht do të ketë si seli ambientet e qendrës sociale “Casa Sant’Anna”, dhënë në përdorim nga Komuna e Castenasos.