Serbia nuk gjen qetësi, 21-vjeçari vret tetë persona dhe plagos 13 të tjerë

Serbia kap të dyshuarin për vrasjet masive

Një tjetër masakër ka ndodhur në Serbi, ku një 21-vjeçar ka vrarë 8 persona, përcjell albinfo.ch.

Sipas informacioneve, 21-vjeçari i biri i një oficeri të ushtrisë serbe i identifikuar si Uroš B. qëlloi me automatik tek një automjet në lëvizje pranë një fshati, 60 km në jug të Beogradit dhe pas aktit, ai u arratis.

Më shumë se 600 forca policore u vënë në kërkim të autorit.

Mes viktimave, autori vrau një polic dhe motrën e tij.

Dyshohet se mes viktimave janë edhe një nga vëllezërit e tij, kunata dhe një djalë 12-13 vjeç, nipi i tij.

I dyshuari për vrasjen e 8 personave dhe plagosjen e 13 të tjerëve në afërsi të Mlladenovcit në Serbi është arrestuar.

Siç raporton RTS, ai është arrestuar në afërsi të Kragujevcit.

21-vjeçari dyshohet se mbrëmë vonë pasi kishte debatuar me një polic që e kishte ndaluar për kontroll, e ka vrarë atë dhe më pas ka vazhduar të qëllojë mbi njerëz nëpër disa fshatra përreth. 

---