Lajme
Prokuroria heton vrasjen e Shqiponja Isufit, bashkëshorti ka pranuar krimin
Zyra e prokurorit publik në Baden kishte hapur procedim penal për vrasje të qëllimshme, por tani ajo po heton për vrasje të rëndë
Një person 48-vjeçar me shtetësi zvicerane (shqiptar, me prejardhje nga Maqedonia) është duke vuajtur burgun hetues, transmeton albinfo.ch. Ai pranon se ka vrarë gruan e tij dhe, viktima është ekonomistja Shqiponja Isufi.
Në shtator të vitit të kaluar, policia pati gjetur të vdekur në banjën e saj 41-vjeçaren Shqiponja Isufi. Një ditë më vonë, burri i saj, një shtetas zviceran me origjinë nga Maqedonia e Veriut, qe arrestuar, shkruan aargauer Zeitung. Shqiptarja nga Kosova mësohet se ka qenë viktimë e aktit të njohur si femicid, që ka bërë bujë në diasporën shqiptare.
Bashkëshorti i saj është një shqiptar i Maqedonisë, i natyralizuar në Zvicër më shumë se 20 vjet më parë.
Prokuroria publike ka konstatuar se bëhet fjalë për vrasje me dashje dhe e ka vënë 48 vjeçarin në mbajtje. Hulumtimi i “Tages-Anzeiger” tani tregon se i fajësuari ka pranuar se ai ka vrarë gruan e tij. Tani ai po mbahet në burgun për hetime.
Zyra e prokurorit publik në Baden kishte hapur procedim penal për vrasje të qëllimshme në lidhje me krimin e dhunshëm – por tani ajo po heton për vrasje të rëndë, konfirmoi Adrian Schuler, zëdhënës i zyrës së prokurorit publik Aargau me kërkesë të gazetës.
Vrasja e rëndë ndryshon nga vrasja me paramendim me faktin që autori tregohet veçanërisht i paskrupullt gjatë kryerjes së aktit kriminal, përcjell albinfo.ch.
Dënimi minimal për vrasje të rëndë është dhjetë vjet burgim, ndërsa për vrasje me dashje ose me paramendim, minimumi pesë vjet.
Prezumimi i pafajësisë vlen deri në dënimin përfundimtar. Ende nuk dihet se kur do të gjykohet ky person.
E-Diaspora
-
Klesta Krasniqi zgjedhet këshilltare komunale në Lausanne Shqiptarja Klesta Krasniqi është zgjedhur këshilltare komunale në Lausanne me grupin e partisë PLR.Les Libéraux-Radicaux Lausanne....
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
-
Gjuha shqipe në Zvicër, një realitet në rritje, që pret të njihet
-
Marigona do të ngjitet në skenën prestigjioze të operës në Frankfurt
Jeta në Zvicër
-
Fushata kundër ligjit për energjinë elektrike: Dhurohen 180,000 franga në mënyrë anonime A është kjo e ligjshme?...
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë