Kosova
Prishtina, në pritje të bashkatdhetarëve
Duke qenë se atraksionet e saj gjenden në qendër të qytetit, eksplorimi në këmbë apo përmes trafikut urban është mënyra më e mirë për ta vizituar
Përveç vizitave familjare, bashkatdhetarët pëlqejnë të vizitojnë edhe kryeqytetin e Kosovës. Ani pse Prishtina nuk konsiderohet si një vend me potencial të lartë turistik, në të vërtetë duhet pranuar se ka një tërheqje të llojit të vet.
Për faktin se Prishtina për nga madhësia nuk mund të krahasohet me qytetet e tjera të mëdha në Evropë, ajo mund të vizitohet brenda një dite.
Prishtina zotëron një tërësi të vlerave kulturore dhe historike, me atraksione që gjenden në qendër të qytetit. Prandaj eksplorimi në këmbë apo përmes trafikut urban është mënyra më e mirë për ta vizituar.
Në këto ditë të nxehta vere, revista albinfo.ch ju sjell disa nga vendet më të bukura që mund t’i shijoni.
Bulevardi Nënë Tereza
Në fakt, qyteti i Prishtinës ka disa sheshe të emërtuara me emra të ndryshëm, por më i frekuentuari është Bulevardi Nënë Tereza, që tashmë ka marrë pamje verore. Në të dyja anët që e bulevradit, ka lokale të ndryshme ku mund të shijoni një kafe apo të drekoni me familjet tuaja.
Biblioteka Kombëtare e Kosovës
Fare pranë sheshit të lartpërmendur gjendet Biblioteka Kombëtare e Kosovës “Pjetër Bogdani”, e cila ka një arkitekturë interesante, që nuk duhet humbur. Kjo bibliotekë zgjon interesim të madh të turistëve, sepse është jo e zakonshme si nga ana e jashtme, ashtu edhe nga ajo e brendshme.
Rruga turistike që të çon në muzetë dhe xhamitë e Prishtinës
Në rrugën “Haxhi Zeka” mund të shihni ngjyrime historike, kulturore dhe fetare. Në këtë rrugë mund të vizitoni Muzeun Kombëtar, Muzeun Etnologjik dhe tri xhami të vjetra në Prishtinë.
Përveç këtyre objekteve që mund të zgjojnë kureshtjen e secilit, në këtë rrugë është edhe Sahat Kulla si dhe krejt pranë, objekti i gjimnazit më të vjetër në Prishtinë.
Katedralja e Shën Nënë Terezës
Prishtina ka edhe hapësira e objekte të tjera, për të cilat ka kërkesa të mëdha për t’u vizituar.
Në qendër të qytetit qëndron katedralja e “Shën Nënë Terezës”, e cila ka një model arkitektonik relativisht tradicional. Fare pranë saj është edhe parku më i ri i Prishtinës. Objekti i katedrales, e veçanërisht pirgu i saj, preferohet të vizitohet, pasi turistëve u duket tërheqëse pamja e qytetit nga lart.
Prishtina si e tillë, ka potenciale turistike, që edhe bashkatdhetarët mund t’i shijojnë.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
Shefi i Lufthansa-s: SWISS është “flamurtari” i grupit të linjës ajrore Në një intervistë me gazetën Neue Zürcher Zeitung (NZZ), CEO i Lufthansa, Carsten Spohr, theksoi rëndësinë...
-
Lajmet që “përmbledhin” të hënën në Zvicër
-
Lucern: Gjykohet shqiptari, ka shitur drogë me vlerë prej 3.5 milionë frangash
-
Politikani zviceran dëshiron të përshpejtojë procedurat për dëbimin e të huajve
-
Jepet drita e gjelbër për ndërtimin e pishinave pranë Jet d’Eau në Gjenevë