Deputeti ukrainas pro-Kosovës, kritikon takimin Zelensky-Vuçiq

Deputeti ukrainas, Oleksiy Goncharenko i cili edhe më parë ka qenë i zëshëm për njohjen e Kosovës nga Ukraina ka thënë se Kievi zyrtar nuk duhet të qëndrojë krah Serbisë, pasi kjo e fundit mbështet Rusinë.

“Zelensky u takua me Presidentin e Serbisë. Serbia është aleate e Rusisë. Ne nuk do të mund ta tërheqim Serbinë në anën tonë. Dhe kjo nuk është për shkak se ne jemi shumë të këqij, por sepse popullsia e Serbisë mbështet Rusinë në një shumicë të pabesueshme. A duhet të takohemi? Po sigurisht. A duhet të kompromentojmë parimet tona? Jo. Ukraina duhet ta njohë pavarësinë e Kosovës”, shkruan Goncharenko në Twitter.

Reagimi i tij erdhi pas takimit të presidentit të Ukrainës me presidentin serb Aleksandër Vuçiq.