Lajme

Zvicër: Hajdutët ngjiten 2,350 metra lartësi, për një kuti me para

E shtunë, 26 Gusht 2023 - 17:20 albinfo.ch

@Pixabay

Hajdutët në Zvicër kanë pushtuar një nga rrugët më sfiduese të mbrojtura të ngjitjes në vend, me qëllim të vjedhjes së një kutije me para. Ata ngjitën një lartësi prej 2,350 metra dhe kaluan nëpër kabllo çeliku, shkruan BBC, përcjell albinfo.ch

Sipas njoftimit, kutia i përket një klubi lokal të ngjitjes, i cili mban rrugën më të gjatë të mbrojtur të ngjitjes në Zvicër në kalimin Gemmi mbi fshatin Leukerbad.

Ndër të tjera, ajo që shkaktoi tronditjen më të madhe është se kutia e dhurimit është e qasshme vetëm për alpinistët më me përvojë, pasi rruga klasifikohet si niveli 5, më i vështiri i ngjitjes.

Pasi thyen kutinë, hajdutët vazhduan ngjitjen në majën Dauberhorn, 2,941 metra, teksa autoritetet nuk kanë njoftuar për shifren e saktë të parave të vjedhura.