Ukraina

Anthony Blinken viziton ushtrinë e Ukrainës

E enjte, 7 Shtator 2023 - 19:00 albinfo.ch

Keystone EPA/OLEG PETRASYUK

Sekretari amerikan i Shtetit, Anthony Blinken, ka vizituar sot ushtrinë e Ukrainës për të vlerësuar kundërofensivën e vendit ndaj Rusisë duke bërë me dije se Shtetet e Bashkuara të Amerikës do të vazhdojnë përkrahjen ushtarake.

Blinken ka vizituar bunkerin që përdoret nga ushtria dhe është shoqëruar nga udhëheqësit ushtarakë të Ukrainës teksa para tij janë prezantuar jelekët antiplumb, armë dhe automjete ushtarake.

Ai ka vëzhguar edhe punën e ekipeve të çminimit në rajonin e Kievit, teksa ka konfirmuar se SHBA-ja do të ofrojë 90 milionë dollarë asistencë për çminimin në Ukrainë, shkruan VOA, përcjell albinfo.ch.

Shtetet e Bashkuara të Amerikës kanë njoftuar se do të dërgojnë armatim për Ukrainën si pjesë e pakos së re ushtarake në vlerë prej 1 miliard dollarëve.