Thurgau kufizon kultivimin e misrit në 70 komuna

Kantoni Thurgau po ndalon plotësisht ose pjesërisht kultivimin e misrit në 70 nga 80 komuna deri në vitin 2024.

Arsyeja e ndalimit është një infeksion, njoftoi shërbimi kantonal i mbrojtjes së bimëve, shkruan Blick, përcjell albinfo.ch.

Sipas njoftimit, nëse infektohet, krimbi i misrit mund të rezultojë në humbje të të ardhurave deri në 50 për qind.

Duke pezulluar kultivimin e misrit në ato fusha ku është kultivuar misri në vitin 2023, synohet parandalimi i përhapjes së mëtejshme, ndërsa zonat brenda një rrezeje prej 10 kilometrash nga burimi i infektimit preken nga ndalimi i kultivimit.

Krimbi i rrënjëve të misrit u zbulua në stacionet e monitorimit në kantonet Thurgau, St. Gallen dhe Cyrih. Luftimi i tij është i detyrueshëm në Zvicër, siç shkruan shërbimi për mbrojtjen e bimëve.

Në fund të gushtit, kantoni i St. Gallen raportoi gjithashtu se kishte kufizuar më tej kultivimin e misrit për vitin e ardhshëm për shkak të infektimit.

Në fillim të shtatorit, Appenzell Ausserrhoden ndoqi shembullin me një vendim përkatës.