Gjuha
Kopenhagë, fillon vitin shkollor klasa e mësimit të gjuhës shqipe
Klasa e gjuhës shqipe pranë Tagensbo Skole në Kopenhagë, Danimarkë, filloi vitin shkollor
Një klasë e mësimit të gjuhës shqipe pranë Tagensbo Skole në Kopenhagë, Danimarkë, filloi vitin shkollor, shkruan albinfo.ch.
Me këtë rast Ambasadorja e Republikës së Shqipërisë, Elida Petoshati, së bashku me Drejtuesin e Konsullatës së Republikës së Kosovës, Valdrin Grainca, vizituan fëmijët shqiptarë në ditën e parë të shkollës.
Gjatë kësaj vizite ata dhuruan edhe tekstet e unifikuara shkollore ‘’Gjuha Shqipe dhe Kultura Shqiptare“.
Postimi i plotë i ambasadës:
Ambasadorja e Elida Petoshati, së bashku me Drejtuesin e Konsullatës, Valdrin Grainca, vizituan klasën e gjuhës shqipe të mësuesit Sabri Ibishi, pranë Tagensbo Skole në Kopenhagë🇩🇰, me rastin e fillimit të vitit të ri shkollor. Të dy përfaqësuesit u mikpritën ngrohtёsisht e plot entuziazёm nga shqipet e vogla, të cilëve iu dhuruan tekstet e unifikuara shkollore ‘’Gjuha Shqipe dhe Kultura Shqiptare – niveli I’’, përgatitur e miratuar nga autoritetet arsimore të Qeverisë së Republikës së Shqipërisë dhe Qeverisë së Republikës së Kosovës. Ata ndoqën me kёnaqёsi tё veçantё një pjesë të orës mësimore dhe ndërveprimit energjik të mësuesit të talentuar veteran Sabri Ibishi me fëmijët pёr mёsimin e gjuhёs amёtare dhe tё kulturёs shqiptare. Në sajë të një pune tё palodhur mbi 30 vjeçare, mësuesi Sabri Ibishi nuk ka rreshtur së mёkuari brezave të rinj të komunitetit shqiptar në Kopenhagë dashurinë për gjuhёn shqipe, doket unike tё botёs shqiptare, rrёnjёt tona identitare, historinё dhe kulturёn e kombit tё lashtё shqiptar. Me modelin e tij të pasionit të palëkundur, ai ka përçuar jo vetëm vlerat e trashëgimisë sonë, por edhe ato të shoqërisë daneze, e cila i ka mikpritur krahёhapur bashkëatdhetarët tanë dhe ka mbështetur rrezatimin e kësaj larmie në gjirin e vet. Për këtë arsye, Ambasadorja Elida Petoshati dhe Drejtuesi i Konsullatës, z. Valdrin Grainca i dorëzuan sot mësuesit Sabri Ibishi, në format të përbashkët, ‘Çertifikatë Mirënjohjeje’, si vlerësim për misionin e tij fisnik e të dalluar në mësimdhënien e gjuhës shqipe.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll