Literaturë
Austriaku Menasse fiton Çmimi Evropian të Letërsisë për romanin me temë Shqipërinë
Romani ka të bëjë me pranimin e Shqipërisë në BE dhe helmetën e Skënderbeut që "është vjedhur" nga sallat e Muzeut Historik të Arteve, në Vjenë...
Romani i “Erweiterung” (“Zgjerimi”) i shkrimtarit austriak, Robert Menasse, përshkruan politikën e BE-së me një ironi të dëshpëruar, transmeton albinfo.ch. Të kujtojmë, edhe romani i tij i parë kishte si temë BE-në (“Kryeqyteti”). Me të, Menasse pati fituar, ndër të tjera, edhe çmimin gjerman të librit.
Do të kishte dashur të fitonte të paktën Çmimin Austriak të Librit për librin e tij të dytë, “Zgjerimi”, botuar në vitin 2022, por fatkeqësisht kjo nuk ka ndodhur, shkruan Die Presse. Tani ky roman i mrekullueshëm, i cili ndërthur një pamje tepër interesante të brendshme të politikës së BE-së (zgjerimi) me një horizont historik të fokusuar në Evropën Lindore (konkretisht në Shqipëri) dhe elementet e trilerit, ka marrë Çmimin Europian të Letërsisë.
Veprimi i romanit zhvillohet ndër të tjera në Tiranë, Poloni dhe në zyrat e BE-së në Bruksel, transmeton albinfo.ch. Ai të çon në dhomat e pasme të politikanëve kryesorë të Evropës, në malet shqiptare dhe përfundon në një fundosje të furishme.
Komploti ka të bëjë me pranimin e Shqipërisë në BE, reformën gjyqësore polake, tradhtinë e idealeve të vjetra – dhe një helmetë (atë të Heroit Kombëtar Shqiptar, Skënderbeut) të zhytur në histori që është vjedhur nga sallat e Muzeut Historik të Arteve, në Vjenë.
Ngjashmëritë me personazhet e gjallë janë të qëllimshme dhe ka vërtet shumë personalitete që në këtë roman portretizohen nga Robert Menasse në një mënyrë sa të dashur, aq edhe thumbuese.
Romani është zgjedhur nga 15 gazetarë evropianë nën kryesinë e shkrimtarit dhe eseistit Giuliano da Empoli, përcjell albinfo.ch. Një numër prej tyre ndoshta e kanë lexuar romanin e Menasse në përkthimin frëngjisht – quhet “L’élargissement” (duhet të presim ende për një përkthim në anglisht). A është në gjendje ky përkthim të kapë ironinë e dëshpëruar të origjinalit?
Në çdo rast, çmimi do të prezantohet zyrtarisht më 30 nëntor në Bruksel dhe kap vlerën e 10 mijë eurove.
Të ngjashme
Të tjera nga Literaturë
E-Diaspora
-
Shqiptari i vë flakën vetes në Itali, në sy të gruas së tij Ngjarje e rëndë: 47-vjeçari shqiptar i vë flakën vetes në sy të gruas - ja çka...
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
-
Zvicër
Ardon Jashari, me çmimin “Safp Golden Eleven” si mesfushori më i mirë në Zvicër
-
9-vjeçarja Moda Ademi performoi në koncertin Rock Pop Jazz Night
Jeta në Zvicër
-
Këshilli Federal dëshiron të lehtësojë barrën mbi personelin infermieror, më pak orë pune Ministrja e Brendshme, Elisabeth Baume-Schneider, prezantoi të mërkurën ligjin e ri federal për kushtet e punës...
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas
-
Ish-këshilltari federal paralajmëron: Putini shënjestër do ta ketë edhe Zvicrën
-
Gaza: Zviceranët caktojnë afro 11 milionë franga për UNRWA