Një i moshuar shqiptar i Kosovës ka vdekur pasi u godit nga vetura në Cyrih

pixabay (ilustrim)

Një aksident ka ndodhur në Horgen ZH rreth mesditës të së martës. Siç raporton një qytetar për Blick, janë përfshirë një këmbësor dhe një makinë. Sipas policisë kantonale, këmbësori është goditur me kokë dhe është hedhur disa metra larg. Në vendngjarje, shërbimet e emergjencës kanë mundur vetëm të konstatojnë vdekjen e 83-vjeçarit nga Kosova.

Një lexues i Blick i cili e njihte viktimën, thotë: “Ai ishte një burrë i mrekullueshëm, miqësor dhe i rrespktuar e punëtor!

Policia kantonale bën me dije se drejtuesi i mjetit ishte një 51-vjeçar i cili po lëvizte në Einsiedlerstrasse drejt Horgenit. Përplasja ka ndodhur në Mühlebachstrasse teksa këmbësori po kalonte rrugën. Ecuria e saktë e aksidentit tani po hetohet nga policia kantonale dhe nga prokuroria publike.

Për të përcaktuar rrjedhën e saktë të aksidentit, policia kantonale kërkon nga të gjithë ata që mund të japin informacion për ngjarjen të telefonojnë në numrin 058 648 67 90, përcjell albinfo.ch.