Naser Aliji nënshkruan me Vaduzin

Të shtunën shqiptaro-zvicerani i lindur në Kumanovë të Maqedonisë, 21-vjeçari Naser Aliji, do të nënshkruajë për Vaduzin

Ekipi vjen nga Lihtenshtajni në kuadër të Super Ligës zvicerane. Naseri do të luajë si huazim deri në fund të sezonit dhe pastaj do të kthehet në Bazel të Zvicrës, me të cilin ai ka kontratë deri në qershor 2017. Lajmin e ka bërë të ditur vetë Naser Aliji për mediat në Shkup.

Ky i fundit pritet që menjëherë t’i bashkohet Vaduzit në përgatitjet dimërore që i kanë nisur më 5 janar, ndërsa nga 21-31 janar do të transferohen në Side të Turqisë.

Naser Aliji ka luajtur për ekipet zvicerane për të rinj në grupmoshat 15, 18, 19, 20 dhe 21 vjeç dhe vitin e kaluar ishte ftuar për ekipin e Shqipërisë.