Emisari gjerman takon Bislimin, diskutojnë për situatën në vend

ZKM

Zëvendëskryeministri i Kosovës, Besnik Bislimi, ka pritur në takim emisarin e Gjermanisë për Ballkanin Perëndimor, Manuel Sarrazin.

Bislimi në këtë takim ka theksuar se masat e vendosura ndaj Kosovës janë të padrejta dhe duhet të hiqen.

“Palët diskutuan mbi situatën në vend dhe rajon dhe zhvillimet e fundit politike. Një prej temave të adresuara ishte edhe masat ndëshkuese ndaj Kosovës, ku zëvendëskryeministri Bislimi theksoi se ato vijojnë të jenë të padrejta dhe se duhet të hiqen sa më parë”, thuhet në komunikatë.

Në komunikatë theksohet se Republika e Kosovës e çmon dhe vlerëson lart partneritetin, bashkëpunimin dhe miqësinë e ngushtë me Gjermaninë.