Kosova
Përsëri diskriminim, energjia elektrike më lirë në veri se në pjesën tjetër të Kosovës
![](https://www.albinfo.ch/wp-content/uploads/2022/11/314637201_666726254798144_4956197779312326639_n.jpg)
Këshilli për Mbrojtjen e të Drejtave dhe Lirive të Njeriut konsideron se pagesa paushall për energjinë elektrike që është vendosur për qytetarët e katër komunave me shumicë serbe në veri është diskriminuese për pjesën tjetër të qytetarëve të Kosovës.
Mesatarisht në Kosovë një konsumator shtëpiak paguan 50 euro në muaj, ndërsa në veri do të paguhet 21 euro e 60 centë.
Në kompaninë “Elektrosever” nuk dhanë sqarime se si është përllogaritur dhe përcaktuar shuma prej rreth 21.6 eurosh në faturat e shpenzuesve të rrymës në veri.
E në pjesën tjetër të vendit, sipas një njoftimi të KESCO-s, nga dhjetori i shkuar fatura mesatare për konsumatorë shtëpiakë e kap vlerën mesatare prej 50 eurosh në muaj.
Dallimi në fatura për qytetarë të një shteti, sipas Këshillit për Mbrojtjen e të Drejtave dhe Lirive të Njeriut, përbën diskriminim në baza etnike.
“Ky është vazhdim i diskriminimit në baza etnike. Është diskriminim, sepse qytetarët jashtë komunave veriore paguajnë deri në 300 euro për rrymën që shpenzojnë, ndërsa ata në veri shpenzojnë pa kontroll dhe të paguajnë vetëm 21 euro e 60 centë në muaj është shkelje flagrante e të drejtave të njeriut. Institucionet nuk e kanë treguar as vullnetin më të vogël që të krijojnë njëfarë barazie midis qytetarëve që janë pagues të rregullt dhe atyre që nuk paguajnë fare rrymë”, ka thënë Behxhet Shala, kryetar i Këshillit për Mbrojtjen e të Drejtave dhe Lirive të Njeriut.
Këtë javë “Elektrosever” njoftoi se ka nisur shpërndarjen e faturave për muajin shkurt, por qytetarë të shumtë në disa lagje të Mitrovicës së Veriut thanë se ende nuk i kanë pranuar ato. Shpërndarja e faturave nuk u pohua as nga vetë punonjësit e “Elektroseverit”. “Nuk e di për besë”, ka thënë një nga ta.
Ani se thanë që nuk i morën faturat, qytetarët serbë theksuan që do të paguajnë për rrymën e shpenzuar.
“Kur të vijë fatura, do ta paguaj. Nuk e di sa është vlera, nuk kam lidhje. As paushalli nuk e di sa është”, ka theksuar një qytetar.
“Elektrosever” ka nisur faturimin me rrymë që nga janari, porse për këtë muaj nuk është bërë shpërndarja e faturave.
Për 20 mijë konsumatorët që KEDS-i ka konfirmuar se i ka veriu, shuma totale e faturave të janarit, me paushallin prej 21 eurosh e 60 centësh, do të ishte 432 mijë euro.
Mbi përgjegjësitë e mbulimit të kësaj kostoje, përgjigje në pyetjet e KOHËS nuk dhanë as nga KEDS-i e as nga KOSTT-i./Koha.net
E-Diaspora
-
Vjenë: Dr. Andin Binaj nderohet me “Mirënjohje për merita të veçanta” nga Ambasada e Shqipërisë Ambasada e Republikës së Shqipërisë në Austri ka nisur një cikël aktivitetesh për vlerësimin e personaliteteve...
-
Alba Festival: Në Line-Up me superyjet si Enisa, Dardani, Ledri Vula
-
Sunaj Raça nderohet me çmimin “Aktori më i mirë” në Festivalin Ndërkombëtar në Gjenevë
-
Kuvendi i Shqiptarëve të Zvicrës reagon për intervistën e Vuçiqit në “Die Weltwoche”
-
Berlin: Shfaqen dy filma shqiptarë, “Pa vend” dhe “Sans le Kosova”
Jeta në Zvicër
-
Kinezët vodhën 130,000 franga nga kazinoja e Cyrihut Në mars, një bandë prej njëmbëdhjetë punëtorësh kinezë nga Italia mashtruan kazinonë e Cyrihut. Ata u...
-
Një 18-vjeçar kosovar paguan për sigurimin e makinës katër herë më shumë se një zviceran 30-vjeçar
-
Spitali i Gjenevës kërkon gjak urgjentisht
-
Alba Festival: Në Line-Up me superyjet si Enisa, Dardani, Ledri Vula
-
Zvicër: Më lirë të kesh një shtëpi sesa të marrësh me qira