Migros dhe Coop ndalojnë arkëtaret të mbajnë shami

(KEYSTONE/Melanie Duchene)

Rrjeti më i madh i supermarketeve në Zvicër, Migros dhe konkurrenti i tij kryesor, Coop, kanë ndaluar mbajtjen e shamive nga arkëtaret dhe stafi që ka kontakt me klientët.

Një rast i fundit i Migros-it, që pushoi nga puna një arkëtare që refuzoi të hiqte shaminë e saj islame, shkaktoi akuza për diskriminim fetar, si dhe një padi.

Megjithatë, Migros-i dhe Coop-i, të dy argumentojnë se kodet e veshjes së kompanisë së tyre thonë qartë se punonjësit që janë në kontakt të drejtpërdrejtë me klientët nuk lejohen të veshin veshje që nuk janë pjesë e uniformës së shitjes.

Zëdhënësja e Migros, Carmen Hefti, ka deklaruar se kjo përfshin edhe veshjet fetare, transmeton albinfo.ch.