Kuriozitete
Berlin: Sulmohet fabrika e Teslas
Pas një sulmi në fabrikën e Teslas, Elon Musk e ka quajtur veprim prej “budallai” një sulm të dyshuar për zjarrvënie që ka ndaluar prodhimin e veturave të Teslas në fabrikën në Berlin, përcjell albinfo.ch.
Thuhet se një grup aktivistësh të së majtës ekstreme e ka marrë përgjegjësinë për sulmin, duke thënë se shënjestroi fabrikën për shkak të sasisë së burimeve dhe punës që bën.
Ndërkohë, kompania ka thënë se prodhimi i veturave nuk ka gjasa të rifillojë përpara javës së ardhshme. Ndërprerja do t’i kushtojë miliona euro humbje Teslas.
Në fabrikën në Berlin, Tesla prodhon rreth 500 mijë vetura në vit dhe dëshiron ta dyfishojë këtë shifër – plani që kundërshtohet nga disa ambientalistë.
Në një postim në “X”, dikur Twitter, pronari i Teslas, Musk, përdori frazën gjermane “jashtëzakonisht budalla” për të përshkruar sulmin.
“Këta janë ose eko-terroristët më budallenj në Tokë ose janë kukulla të atyre që nuk kanë qëllime të mira mjedisore”, ka shkruar ai.
Në një letër të publikuar në internet, aktivistët që e quajnë veten “Grupi i Vullkaneve” thanë se sabotuan prodhimin.
Një shtyllë elektrike afër termocentralit mori flakë, duke shkaktuar ndërprerje të energjisë në fabrikë dhe në qytetet përreth.
Tesla ka thënë se punëtorët ishin dërguar në shtëpi, por ndërtesa e saj ishte në “gjendje të sigurt”.
Zjarri nuk arriti në fabrikën e prodhuesit të veturave elektrike, por dogji një shtyllë elektrike dhe tela të tensionit të lartë.
Në letrën që merrte përgjegjësinë për sulmin, “Grupi i Vullkaneve” gjithashtu akuzoi Teslan për kontaminimin e ujërave nëntokësore dhe përdorimin e sasive të mëdha të ujit të pijshëm.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in