Gruaja
Shqiptarja e re në mbrojtje të islamit radikal
Fitore Sinanaj sipas shtypit zviceran "konsiderohet të jetë" bashkëshortja e dytë e kryetarit të Këshillit Qendror Islam të Zvicrës (IZSR), Nicolas Blancho
Fitore Sinanaj, është një shqiptare e re, e përcaktuar për të jetuar si besimtare myslimane dhe në përputhje me besimin e saj edhe të vishet sipas traditës islamike. Ajo, siç shkruan blick.ch, mendohet të jetë edhe bashkëshortja e dytë e Nicolas Blancho, zviceranit të konvertuar në islam, kryetar i Këshillit Qendror Islam të Zvicrës ( IZSR), një organizatë kjo që në Zvicër identifikohet me islamin fundamentalist. Bashkëshorte e Blancos ose jo, Fitorja është shumë aktive në IZSR.
Ndërsa gazeta prestigjioze zvicerane Neue Zürcher Zeitung ka prezantuar qëndrimet e shqiptares në një intervistë në të cilën krahas Fitores përgjigjen edhe një besimtar mysliman me prejardhje nga Irani dhe një besimtare, me prejardhje turke.
Fitore Sinanaj në këtë intervistë, siç mund edhe të merret me mend, mbron me këmbëngulje qëndrimet e IZSR dhe i quan paragjykime të gjitha ato që shkruhen e deklarohen për këtë organizatë si përfaqësuese të fundamentalizmit islamik. Po ashtu ajo thotë se IZSR dhe kryetari i tij, Blancho, disa herë është distancuar nga veprimet dhe kërcënimet e IS-it, duke i cilësuar ato si të papranueshme.
“Është paturpësi që IZSR-së t`i përshkruhet simpatia për terrorin islamik. Është krejtësisht e gabueshme të besohet se je pro diçkaje, vetëm nga fakti se nuk distancohesh në mënyrë permanente nga ajo. Një i krishter zviceran sigurisht nuk detyrohet të arsyetohet për luftën amerikane të droneve”.
Ndërsa pyetjes se ku i sheh myslimanët e Zvicrës pas 20 vitesh, ajo i është përgjigjur: “Të shpresojmë se në atë kohë nuk do të ketë urrejtje dhe paragjykime ndaj myslimanëve. Besoj se pas 20 viteve myslimanët do të jenë pjesë e nënkuptueshme e Zvicrës, ashtu siç janë sot italianët”. Pikërisht ky pohim i saj i është vënë si titull artikullit të përmendur.
Ndërsa në shkrimin e gazetës Blick, Fitore Sinanaj paraqitet duke e prezantuar si shembull për myslimanët njërin nga ish krerët e Al Kaida-s, të vrarë në vitin 2011, Anwar al-Awlaki. Awlaki, sipas gazetës, ka mbështetur dhe financuar edhe celulën terroriste të vëllezërve Kouachi, të cilët në fillim të janarit kryen sulmin terrorist kundër redaksisë së revistës satirike Charlie Hebdo.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
AAK – dega në Zvicër zgjedh strukturat drejtuese Kryetari i Aleancës për Ardhmërinë e Kosovës, Ramush Haradinaj, ka njoftuar se dega në Zvicër e...
-
Incidentet raciste në Zvicër – në rritje, veçanërisht në shkolla
-
Si mund të ndikojnë tek ju dy referendumet vendimtare të sigurimeve shëndetësore në Zvicër?
-
Bujtinat e të rinjve në Zvicër kanë shënuar rekord netqëndrimi në vitin 2023
-
Zvicër: Gjobiten rëndë dy shoferë, pasi postuan videot në rrjetet sociale