Qeveria sot pritet të vendosë se si do të financohet pensioni i 13-të

(KEYSTONE/Christian Beutler)

Pas miratimit të pagesës së pensionit shtesë nga votuesit në një referendum kombëtar më 3 mars, Këshilli Federal po bëhet gati të diskutojë pyetjen ende pa përgjigje se si do të financohet kjo masë e re.

Ka pikëpamje kontradiktore se nga duhet të vijnë fondet shtesë.

Sipas një sondazhi të kryer nga Instituti Yougov Switzerland, shumica e popullsisë së Zvicrës nuk dëshiron që paratë të dalin nga xhepat e tyre, duke preferuar që në vend të kësaj t’ua kalojnë këtë përgjegjësi anëtarëve më të pasur të shoqërisë, transmeton albinfo.ch.

Konkretisht, 64 për qind e të anketuarve thanë se skema e re duhet të financohet nga një taksë mbi transaksionet financiare.

Opsionet e tjera që janë diskutuar si burim financimi i pensionit, si rritja e Tatimit mbi Vlerën e Shtuar dhe kontributet më të larta të sigurimeve shoqërore për t’u paguar nga punonjësit, janë shumë më pak të njohura, shkruan thelocal.