Kosovë: 5 persona të lënduar nga rrëshqitja e ashensorit në një objekt banesor

Pesë persona kanë mbetur të lënduar nga rrëshqitja e ashensorit mbrëmjen e së shtunës në lagjen ‘Eliza’ në Fushë Kosovë.

Paraprakisht banorë të asaj ndërtese janë ankuar se kompania përgjegjëse është njoftuar për të pestën herë që ashensori ka defekte, mirëpo që s’kanë intervenuar. Kështu ka raportuar edhe një medium lokal i Fushë-Kosovës.

“Pershendetje , në lagjen ‘Eliza’ në Fushë Kosove hyrja 5.5 ka rënë lifti nga kati i dytë në bodrum dhe ka të lënduar. Kompania që është përgjegjëse është njoftuar që 5 herë në grupin e lagjes që lifti është në defekt dhe nuk është rregulluar. Banorët janë derguar në spital, në emergjencë”, thuhet në shkrimin e tyre në ‘Facebook’.