Kopenhagë: Përfshihet nga zjarri një ndërtesë historike

Ndërtesa Børsen e Danimarkës u përfshi nga një zjarr masiv mëngjesin e së martës, me video nga vendi i ngjarjes që tregojnë flakët që shpërthejnë nëpër ndërtesën historike në qendër të kryeqytetit, përcjell albinfo.ch.

Ndërtesa Børsen ka qenë në zemër të biznesit danez që nga shekulli i 17-të.

Pamjet treguan shtëllunga të mëdha tymi të zi që dilnin nga monumenti i Kopenhagës, ndërsa reaguesit e urgjencës punonin më poshtë.

Policia e Kopenhagës u ka thënë njerëzve që të shmangin zonën dhe nuk ka raportuar për të lënduar deri më tani.

Njerëzit ishin në ndërtesë kur filloi zjarri, por të gjithë u evakuuan, tha një zëdhënës i policisë, i cili shtoi se personeli ushtarak ishte në vendngjarje për të mbështetur përpjekjet e shuarjes së zjarrit.