Lajme
BBC: Mbi 50 mijë ushtarë rusë të vrarë në luftën në Ukrainë
Mbi 50 mijë ushtarë rusë janë vrarë në luftën në Ukrainë, raporton “BBC”, përcjell albinfo.ch.
Në vitin e dytë të luftës numri i trupave ruse të vrarë ishte 25 për qind më i lartë se në vitin e parë të luftës.
“BBC Russian”, grupi i pavarur mediatik “Mediazona” dhe vullnetarë të tjerë, kanë numëruar të vdekurit që nga shkurti i vitit 2022 kur Rusia e nisi pushtimin e shkallës së plotë.
Varret e reja në varreza ndihmuan në sigurimin e emrave të shumë ushtarëve.
Ekipet po ashtu kanë kërkuar informacione nga burime të hapura nga raportet zyrtare, gazetat dhe rrjetet sociale.
Sipas hulumtimit, mbi 27 mijë e 300 ushtarë rusë kanë humbur jetën në vitin e dytë të luftës, që tregon se si përparimet në front kanë pasur kosto të madhe njerëzore.
Rusia ka refuzuar të komentojë.
Numri i përgjithshëm i vdekjeve – prej më shumë se 50 mijë – është tetë herë më i lartë se shifra e vetme publike që Moska e ka publikuar në shtator të vitit 2022 për numrin e ushtarëve të vrarë.
“BBC” thotë se numri i rusëve të vrarë mund të jetë dukshëm më i lartë.
Në llogarinë nuk janë përfshirë edhe numri i milicëve të vrarë në zonat e okupuara në Donetsk e Luhansk, në Lindje të Ukrainës. Nëse shtohen, atëherë shifra do të jetë dukshëm më e lartë.
Ukraina ndërkohë rrallë komenton të vdekurit. Në shkurt, presidenti i Ukrainës, Volodymyr Zelensky, ka thënë se 31 mijë ushtarë ukrainas janë vrarë, por bazuar në inteligjencën e SHBA-së numri mund të jetë dukshëm më i madh.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës