Brnabiq arsyeton arrestimin e zv.drejtorit Jankoviq

Zëvendësdrejtori i Policisë së Kosovës, Dejan Jankoviq, është arrestuar dje në kufirin me Serbinë, dhe i njëjti është dërguar në paraburgim për shkak, siç kanë thënë autoritetet serbe, “prishje të rendit kushtetues të Serbisë”, përcjell albinfo.ch.

E një vendim të tillë e ka arsyetuar kryetarja e Kuvendit të Serbisë, Ana Brnabiq. Brnabiq ka thënë se këta janë njerëz që po e cenojnë rendin kushtetues të Serbisë.

E ndaj kësaj deklarate të Brnabiq ka reaguar analisti dhe publicisti i njohur, Veton Surroi.

Surroi në një postim në “X” ka shkruar se kjo është ndërhyrje në identitetin e serbëve të Kosovës.

“Dejan Jankoviq, zv. drejtor i Policisë së Kosovës, një profesionist i respektuar dhe udhëheqës i integrimit të serbëve të Kosovës në shërbim, mund të akuzohet, siç thotë Ana Brbaniq, për minimin e rregullave kushtetuese të Serbisë. Një ndërhyrje tjetër në identitetin e serbëve të Kosovës dhe normalizimin e tyre”, ka shkruar Surroi.

Serbia ndaloi mbi 1.400 kosovarë, teksa po kalonin transit nëpër Serbi.

Në mesin e të ndaluarve ishin edhe dhjetë zyrtarë policorë. Autoritetet thanë se nëntë zyrtarë policorë janë liruar, ndërkaq ndaj Jankoviqit, Serbia ka caktuar masën e paraburgimit prej 48 orësh nën akuzën për prishje të rendit kushtetues të Serbisë.

Dejan Janković,dep.dir. of Kosovo police, a respected professional and leader of K.Serb integration into the service may be charged, says @anabrnabic , for undermining the constitutional order of Serbia. Another turn of the screw on K. Serbs, their identity, 🇽🇰🇷🇸normalization. pic.twitter.com/NgTR5pXbKc

— VetonSurroi (@VSurroi) April 18, 2024