Shqiperia
Shqipëria miraton marrëveshjen me Zvicrën për shëndetësi
Këshilli i Ministrave të Shqipërisë miratoi sot marrëveshjen e bashkëpunimit me qeverinë e Konfederatës Zvicerane, një marrëveshje e rëndësishme që do të asistojë gjithë strukturat e shëndetësisë për sa i përket reagimit ndaj emergjencave shëndetësore.
Në një prononcim për mediet pas mbledhjes së qeverisë, ministrja e Shëndetësisë dhe Mbrojtjes Sociale, Albana Koçiu, bëri të ditur se kjo marrëveshje e rëndësishme bashkëpunimi do të zgjasë për 4 vjet.
“Marrëveshja do të asistojë forcimin e strukturave shëndetësore për t’iu përgjigjur emergjencave, si dhe ndërkohë do të rrisë kapacitetet e profesionistëve të fushës së shëndetësisë”, u shpreh Koçiu.
Ministrja theksoi se përveç gjithë konsolidimit të strukturave që reagojnë dhe marrin pjesë në emergjenca shëndetësore, siç mund të jetë Ministria e Shëndetësisë dhe Mbrojtjes Sociale, Qendra Kombëtare e Urgjencave Mjekësore apo sistemi shëndetësor parësor, me rëndësi është edhe përfshirja e komuniteteve dhe roli që ata duhet të kenë në rast emergjencash shëndetësore.
Koçiu nënvizoi rëndësinë e koordinimit mes institucioneve dhe rolit aktiv të tyre, për të kontribuar në mënyrë efikase dhe për t’iu përgjigjur çdo emergjence shëndetësore në mënyrë cilësore dhe sa më efektive.
Të tjera nga Shqiperia
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Gotthard, mbi 20 kilometra bllokime trafiku Kërkuesit e diellit që shkojnë në jug do të kenë nevojë gjithashtu për durim këtë të...
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë