Nis me kundërshtime tarifimi i turistëve në Venecia

I paralajmëruar prej kohësh sot ka hyrë në fuqi vendimi për tarifimin e turistëve që vizitojnë qytetin italian të Venecias.

Luigi Brugnaro, kryebashkiaku i Venecias, ka thënë se skema e re është një eksperiment me kontrolle shumë të buta. Megjithatë sipas vendimkt nga sot nëse një turist do të kapet pa biletë brenda qytetit do të gjobitet nga 50 deri në 300 euro.

Por tarifimi ka nisur me pakënaqêsi. Ishin vendasit ata që dolën në protesta duke e vlerësuar këtë masë si cenim të drejtave themelore të lirisë së lëvizjes dhe dëmton imazhin e qytetit.

Protestuesit janë të mendimit se një masë e tillë nuk do ta zgjidhë situatën.

Biletaritë dhe sportelet që janë vendosur në pikat kyçe të qytetit italian kanë mërzitur edhe turistët, të cilët përveç pagesës janë detyruar të qëndrojnë edhe në radhë.

Venecia e cila vizitohet në vit nga rreth 20 milionë turistë në vit bëhet qyteti i parë në botë që vendos tarifë për tu futur në të.