Kosova
Vazhdon përballja Osmani – Vuçiq edhe pas Këshillit të Sigurimit
Presidentja e Kosovës, Vjosa Osmani, ka thënë se homologu i saj serb, Aleksandër Vuçiq, pësoi traumë në Këshillin e Sigurimit të Kombeve të Bashkuara, kur u përball me katër gra viktima të luftës, që ishin pjesë e delegacionit të Kosovës.
“Ai ka bërë një sërë deklaratash post-traumatike. Ajo çfarë kemi bërë ne thjesht e kemi thënë të vërteten, vetëm të vërtetën para syve të botës dhe të vërtetën nuk mundet askush ta sulmojë as ta mohojë, e as Serbia”, tha ajo të premten.
Pas kthimit në Beograd, Vuçiqi tha se shteti që ai përfaqëson kishte rënë në një kurth të ngritur nga Shtetet e Bashkuara, Zvicra dhe Sllovenia.
Ai thotë se ishin delegacionet e këtyre shteteve që mundësuan pjesëmarrjen e të katër grave në sallën e Këshillit të Sigurimit, si pjesë e delegacionit të Kosovës.
Presidentja Osmani ka thënë se bota e ka ditur paraprakisht atë çka e tha në Këshill të Sigurimit, në përballje me Vuçiqin.
“Të gjitha gjërat që kam thënë në seancë janë të gjitha të konfirmuara nga raportet ndërkombëtare dhe vendimet e gjykatave ndërkombëtare”, u shpreh ajo.
Në delegacionin e prirë nga presidentja Osmani, ishin edhe Elhame Muçolli, e mbijetuar e masakrës së Poklekut, Fahrije Hoti, së cilës iu vra burri në masakrën e Krushës, si dhe dy gra të mbijetuara të dhunës seksuale gjatë luftës, Vasfie Krasniqi dhe Shyhrete Tahiri./koha.net
E-Diaspora
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
Jeta në Zvicër
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim Ai u dënua me 8 muaj burg (shtesë) për tentim shantazhimi. T30-vjeçari ishte duke vuajtur dënimin...
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë