Talat Xhaferi: Respektimi i të drejtave të punës, prioritet për Maqedoninë e Veriut në rrugën drejt BE-së

Në Ditën Ndërkombëtare të Punës, kryeministri i Maqedonisë së Veriut, Talat Xhaferi, ka drejtuar një urim për qytetarët, duke theksuar rëndësinë e respektimit dhe trajtimit të barabartë të punëtorëve dhe të drejtave të punës, përcjell albinfo.ch.

Duke e shpalosur këtë mesazh në një periudhë të vështirë krizash globale, Xhaferi falënderoi punëtorët për përkushtimin dhe profesionalizmin e tyre, në përforcimin e qëndrueshmërisë dhe zhvillimit ekonomik të vendit.

“Si një vend anëtar i ardhshëm i Bashkimit Evropian, zotimi ynë është t’i mbrojmë punëtorët dhe të sigurojmë trajtim të njëjtë dhe të drejtë për ta nga punëdhënësit, sepse çdo punëtor është, mbi të gjitha, qenie njerëzore, e cila meriton respekt dhe jetë dinjitoze”, shkruan Xhaferi.

Urimi i Kryeministrit shqiptoi aspiratat për një jetë më të mirë dhe më të barabartë për të gjithë punëtorët.