Vuçiq: Gjermania po udhëheq fushatë të ashpër për pranimin e Kosovës në Këshill të Evropës

screenshot

Presidenti serb, Aleksandar Vuçiq, tha se situata në lidhje me pranimin e Kosovës në Këshillin e Evropës (KE) është e paqartë, por se Gjermania po bën një “fushatë brutale” për anëtarësimin e saj në këtë organizatë, përcjell albinfo.ch.

“Ata do t’i kenë në mes të 29 deri 33 vota, dhe 31 është shumica që u nevojitet, kështu që gjithçka ndodhet në teh”, tha Vuçiq gjatë një turneu në kantierin e ndërtimit EXPO 2027 në periferi të Beogradit.

“Serbia do të vazhdojë të luftojë, por nuk mund të përballemi me Gjermaninë, Francën dhe të tjerët”, tha ai.

“Ata po përdorin truke të ndryshme, edhe kur është fjala për themelimin e Asociacionit të Komunave me shumicë serbe”, shtoi Vuçiq.