LDK-ja refuzon ftesën e Kurtit për takim: Keni shuar rrënjësisht frymën e bashkëpunimit

Foto FB: Lumir Abdixhiku

Kryetari i Lidhjes Demokratike të Kosovës, Lumir Abdixhiku, në përgjigje të ftesës për takim nga ana e kryeministrit të Kosovës, Albin Kurti, ia ka kthyer letrën.

Përmes letrës, Abdixhiku ka thënë se e konsideron si të vonuar iniciativën, që pas tre vjetësh e gjysmë në pushtet të tentojë të gjejë klimë bashkëpunimi, kur sipas tij, vetë Kurti ka shuar rrënjësisht frymën e bashkëpunimit.

“Në përgjigje të letrës tuaj, e konsideroj të vonua tani që, pas tre vitesh e gjysmë në pushtet, të tentoni të gjeni një klimë bashkëpunimi kur keni shuar rrënjësisht frymën e bashkëpunimit e kur keni mbjellë polarizim ofendues të skajshëm ndaj të gjitha partive politike të tjera në Kosovë dhe përfaqësuesve të tyre. Lidhja Demokratike e Kosovës vazhdon përherë të jetë mbështetëse për interesit madhore të Republikës, ndonëse nuk i jeni përgjigjur asnjëherë kësaj gatishmërie më bashkëpunim reciprok. Ndërsa, për votimet e marrëveshje ndërkombëtare LDK-ja i konsideron ato mbi politikat ditore, prandaj do të vazhdojë t’i votojë, siç dhe ka vepruar deri më tani”, thuhet në letrën e Abdixhikut./albinfo.ch