Shqipëri: Forcat e Armatosura preken nga emigrimi, nis fushata e rekrutimit të të rinjve në ushtri

Foto FB: Forcat e Armatosura të Shqipërisë

Forcat e Armatosura të Shqipërisë janë prekur nga emigrimi dhe plakja e popullsisë, e si rrjedhojë ka nisur fushata e rekrutimit të të rinjve në edukimin ushtarak dhe në ushtri.

Në Durrës, Forcat e Armatosura ekspozuan pajisje dhe mjete ushtarake në përdorim, si dhe njohën qytetarët, veçanërisht të rinjtë me informacionin e nevojshëm për mundësitë që ofron angazhimi në Forcat e Armatosura.

“Ky është trend për të gjitha vendet, po ne FA nuk e kemi ndier, pasi kemi përdorur elementë të tjerë si përkujdesja, trajtimi financiar, arsimimi dhe stërvitjet brenda e jashtë vendit që kanë ndikuar te brezi i ri të mos largohen jashtë vendit, po të bëhen pjesë e FA-së. Një ushtarak ju garantoj që është i mirëpaguar”, ka thënë Kolonel Fadil Ciroku, Komandant i Qendra Personel Rekrutim, MM, shkruan TCH, transmeton albinfo.ch.

Ndryshe, aktualisht janë rreth 440 vende të lira për të rinjtë e moshës 18-27 vjeç që duhet të aplikojnë. Ndërkohë në Parlament pritet të kalojë projektligji që synon, ndër të tjera, edhe rritjen e kapaciteteve operacionale të Forcave të Armatosura.