Rusia tallet me presidenten zvicerane

Keystone

Në një përpjekje për të diskredituar konferencën globale për paqen në Ukrainë, të cilën Zvicra po organizon më 15 dhe 16 qershor, presidentja zvicerane, Viola Amherd, ka qenë një objektiv ofendimesh në televizionin shtetëror rus, përcjell albinfo.ch.

Në një program njëorësh, prezantuesi dhe anëtarët e ftuar të panelit sulmuan pamjen e Amherd dhe e quajtën atë një “vrasëse të fëmijëve” për mbështetjen e të drejtave të abortit.

Ata gjithashtu akuzuan Amherd si të uritur për para dhe pushtet, pasi ajo nuk është vetëm presidentja aktuale e vendit, por edhe ministrja e Mbrojtjes.

Ndërsa Amherd i ka injoruar sulmet, media tha se “këto deklarata demonstrojnë mungesë të të kuptuarit të sistemit politik zviceran. Dhe, duke sulmuar presidenten, Rusia gjithashtu dhe mbi të gjitha denigron Zvicrën”.