Rrahmani flet për trajnerin Conte dhe përgatitjet me Napolin

Keystone EPA/CIRO FUSCO

Amir Rrahmani, mbrojtësi i Napolit, ka komentuar suksesin 3-0 ndaj Mantovës, duke e nisur analizën për seancat e Antonio Contes: “Bëmë një punë ndryshe, secili trajner ka metodën e tij të punës, bëmë atë që ai u përpoq të na mësonte. Ne duhet të përgatitemi mirë për fillimin e kampionatit”, është shprehur kapiteni i Kosovës.

Si ndiheni me Conten?

“Na jep shumë energji, të bën të kushtosh vëmendje në stërvitje dhe në atë që kërkon. Ka më shumë tension mbi ne, por na bën më të përqendruar”, shton tutje mbrojtësi nga Kosova.

Si e vlerësoni fazën përgatitore?

“Ishte një kamp i mirë stërvitor, më vjen keq që nuk ishim pranë njerëzve, por ata duhet të kuptojnë që ne po stërvitemi me pak pushim”, theksoi Rrahmani.