Deputetja britanike i reagon BE-së: Po tenton ta ndëshkojë Kosovën për hapjen e një ure, ndërsa injorohet situata në Banjskë

Alicia Kearns, FB

Deputetja britanike, Alicia Kearns, ka reaguar ndaj paralajmërimeve të Bashkimit Evropian për masa të reja nëse Qeveria e Kosovës merr vendim për hapjen e Urës së Ibrit.

Kearns ka thënë se marrëveshja për hapjen e Urës së Ibrit ishte nënshkruar në vitin 2015 me afatin e zbatimit në vitin 2017, dhe ka pyetur pse kjo marrëveshje trajtohet ndryshe nga të tjerat që BE-ja i ka imponuar Kosovës.

Tutje, ajo ka kërkuar nga Qeveria e Mbretërisë së Bashkuar dhe ekipi i ri i BE-së që të bëjnë të qartë se mbështesin ndërtimin e urave në Kosovë, dhe jo bllokimet e rrugëve dhe ndarjen.

“Qeveria e re e Mbretërisë së Bashkuar dhe ekipi i ri i BE-së duhet të bëjnë të qartë se mbështesin ndërtimin e urave në Kosovë, jo bllokimet e rrugëve dhe ndarjen. BE-ja ende nuk ka ndërmarrë ndonjë veprim kuptimplotë kundër Serbisë, pavarësisht provave të shumta që lidhin Milan Radoicic dhe sulmuesit e Banjskës me shtetin serb. Të ndëshkosh Kosovën për hapjen e një ure, duke injoruar Banjskën, sugjeron se vetë procesi është thellësisht i padrejtë dhe ka nevojë për reforma urgjente”, ka shkruar ajo, transmeton albinfo.ch.

Appalled to see the EU threaten Kosovo with further negative measures should Ibar Bridge reopen.

This was agreed in 2015 with an implementation date of 2017 – why is it different to the other previous agreements EU is forcing Kosovo to uphold?

The new UK Govt and new EU team…

— Alicia Kearns MP (@aliciakearns) August 15, 2024