Nis zbatimi i vendimit, kamionët me mallra serbe hyjnë në territorin e Kosovës

Foto Ilustrim

Në Merdar ka nisur zbatimi i vendimit të Qeverisë së Kosovës për ndryshimin e masës për mallrat serbe, përcjell albinfo.ch.

Kamioni i parë me produkte serbe në kontroll, nën përcjelljen e Policisë dhe Doganës së Kosovës, tashmë ka hyrë përmes pikëkalimit në Merdar.

Ndryshe, nga sot, përmes pikës kufitare të Merdarit mund të hyjnë mallra serbe, por për hyrje të tyre do të ketë kontrolle të shtuara dhe të detajuara nga Dogana e Kosovës.

Kështu ka kërkuar Ministria e Punëve të Brendshme e Kosovës gjatë së hënës. I pari i Qeverisë, Albin Kurti, ka thënë se kjo masë e ndryshimit është e mjaftueshme për proceset e ditëve në vijim dhe e njëjta është biseduar me Bashkimin Evropian dhe Gjermaninë.