FSK dhe KFOR-i zotohen për bashkëpunim në të mirë të sigurisë dhe paqes në vend

Komandanti i Forcës së Sigurisë së Kosovës, gjenerallejtënant Bashkim Jashari, ka pritur në takim komandantin e KFOR-it, gjeneralmajor Enrico Barduani.

Sipas njoftimit nga FSK-ja, Jashari fillimisht e uroi Barduanin për marrjen e detyrës si komandant i KFOR-it dhe gjithashtu e informoi për zhvillimet në FSK, angazhimet, trajnimet dhe aktivitetet e tjera në vijim.

Tutje, është bërë e ditur se në takim është diskutuar edhe për situatën aktuale të sigurisë në vend dhe më gjerë, transmeton albinfo.ch.

“Gjeneral Jashari dhe Gjeneral Barduani gjithashtu diskutuan për bashkëpunimin në mes të FSK-së dhe KFOR-it dhe u zotuan që të bashkëpunojnë tutje, në të mirë të sigurisë dhe paqes në vend dhe rajon”, thuhet në njoftim.