Ambasada e Kosovës në Itali njofton mërgimtarët që dëshirojnë të votojnë

Ambasada e Republikës së Kosovës në Itali së fundmi ka njoftuar bashkatdhetarët lidhur me votimin e tyre, përcjell albinfo.ch.

“Duke parë interesimin e tyre për të përmbushur të drejtën dhe obligimin qytetar për të votuar në Zgjedhjet e Përgjithshme me 9 shkurt 2025, si dhe për të shfrytëzuar mundësinë që Institucionet e Kosovës ofrojnë për herë të parë votimin përmes postës brenda territorit të Italisë dëshirojmë t’ju tërheqim vëmendjen juve që keni zgjedhur të votoni në këtë formë, se zarfin duhet ta dërgoni ekskluzivisht në kutinë postare, në këtë adresë: Ambasciata Repubblica Kosovo, CS Fiumicino, Casella Postale 6000, 00054 Fiumicino RM

Ambasada thekson se zarfet nuk duhet të adresohen në Via Tolmino 12.

Po ashtu, ju informojmë se forma e vetme e dërgesës postare që duhet të përdorni është “Raccomandata Semplice” R4 (senza cartolina di ritorno), shkruan ambasada.