Sonte mbahet debati i hapur me kandidatët shqiptarë në Gjenevë

Zgjedhje lokale 2025, Gjenevë

Siç ka paralajmëruar  Albinfo.ch ditë më parë, në zgjedhjet lokale të Gjenevës do të kandidojnë disa kandidatë me origjinë shqiptare dhe sonte me datën 15 mars do të mbahet një takim me qytetarë, të cilët do të kenë mundësinë të njoftohen më për së afërmi me këta kandidatë dhe me ofertën e tyre për zgjedhjet lokale që do të mbahen më 23 mars.

Vlen të theksohet se debatin e hapur publik e organizon Mirishahe Limani Hiler.

Kandidatët shqiptarë premtojnë se do të mbështesin edhe nevojat dhe kërkesat e komunitetit të tyre dhe në përgjithësi të vet popullit shqiptar.

Të gjithë këta kandidatë angazhohen denjësisht në shoqërinë shumëkulturore të Gjenevës që të sjellin edhe ndryshime të reja politike duke qenë njohësit më të mirë të nevojave të shqiptarëve. Ata janë vlerë e shtuar edhe e kulturës dhe origjinës sonë, thotë organizatorja, Mirishahe Limani Hiler.

Takimi mbahet me 15 mars në këtë adresë:

Swiss UMEF, 187 Route d’Aïre

1219 Aïre – Genève, Suisse.

Pritja: nga ora 18:30

Fillimi i debatit: në orën 19:00

Postimi i plotë i Mirishahe Limani Hiler.

FTESË / DEBAT I HAPUR

Për ardhmërinë politike të mërgatës

Zgjedhje lokale 2025, Gjenevë

Si rrjedhojë e kërkesave të shumë qytetarëve shqiptarë në kantonin e Gjenevës për të njohur më për së afërmi kandidatët zviceranë me origjinë shqiptare që këtë vit garojnë në zgjedhjet lokale që do të mbahen më 23 mars, organizojmë një Debat të hapur publik.

Për t’iu përgjegjur poashtu edhe dëshirës së kandidatëve që prezentohen në formacione të ndryshme politike të kantonit, e që kanë nevojë për mbështetjen e vet popullit shqiptar të cilit ata i takojnë me ndershmëri, obligimi ynë qyterar dhe moral na detyron që të jemi aty ku dhe kur të rinjët tanë kanë nevojë për ne.

Të gjithë këta kandidatë që denjësisht angazhohen në shoqërinë shumëkulturore të Gjenevës që të sjellin edhe ndryshime të reja politike duke qenë njohësit më të mirë të nevojave të shqiptarëve, janë vlerë e shtuar e kulturës dhe origjinës sonë.

Andaj, me qëllim të njohjes së ndërsjellë  dhe për t’iu mundësuar atyre shpalosjen më për së afërmi të projekteve të tyre, për t’i dëgjuar e për të mësuar më shumë rreth synimeve politike që ata kanë, organizojmë një Debat të hapur, jo vetëm për shqiptarët e Gjenevës por edhe për të gjithë qytetarët e tjerë zviceranë që duan t’i njohin e t’i mbështesin kandidatët me origjinë shqiptare.

Takimi mbahet të shtunën me 15 mars në këtë adresë:

Swiss UMEF, 187 Route d’Aïre

1219 Aïre – Genève, Suisse.

Pritja: nga ora 18:30

Fillimi i debatit: në orën 19:00

Prania juaj nderon nderon para se gjithash qytetërimin tonë shqiptarë dhe në veçanti është shtyllë mbështetëse për ardhmërinë politike të mërgatës sonë.

Për çdo paqartësi apo për më informata më të hollësishme rreth kësaj ngjarjeje, ju mundeni të na shkruani një sms në 079 607 46 74 dhe ne iu kontaktojmë.

Mirësevini!

E juaja, Mirishahe Limani Hiler

Në fotografi nga e majta: Agron Kurti-LJS; unë; Skender Salihu-MCG; Hanumshahe Qerkini-Les Verts dhe Vehbi Kryeziu-Les Verts

---