Grenell godet Specialen: Ndalni fondet, është një farsë politike!

Ish-i dërguari amerikan për dialogun Kosovë-Serbi, Richard Grenell, ka shpërthyer me akuza të forta ndaj Gjykatës Speciale në Hagë, duke e cilësuar atë si një mjet politik të dështuar që vetëm po konsumon miliarda pa dhënë drejtësi.

“Ndaloni financimin e kësaj gjykate! E gjithë kjo është politike. Janë harxhuar dhe shpërdoruar miliarda”, ka shkruar Grenell në rrjetin “X”, duke ngritur alarmin për një mekanizëm që sipas tij nuk sjell as drejtësi, as paqe, transmeton albinfo.ch.

Grenell nuk e la me kaq. Ai rikujtoi edhe një herë qëndrimin e tij të mëhershëm për rolin e Thaçit në historinë e Kosovës. “Themeluesi i shtetësisë së Kosovës duhet të festojë në Prishtinë, jo të kalojë vitet pas hekurave në Hagë”, është shprehur ai, duke akuzuar vendet evropiane për mungesë guximi e për pesë vjet heshtje përballë asaj që e cilëson si “padrejtësi të hapur”.