Eurodeputeti kroat: Serbia nuk mund të hyjë në BE derisa ta njohë Kosovën

Në një deklaratë për media, eurodeputeti kroat Tonino Picula, që njëherësh është raportues për Serbinë në Parlamentin Evropian, ka thënë se Serbia nuk mund të hyjë në Bashkimin Evropian derisa ta njohë Kosovën dhe të heqë dorë nga politika e botës serbe, përcjell albinfo.ch.

Këto komente ai i bëri në një intervistë për Jutarnji List; me ç’rast shtoi se “deri në vitin 2030 as Mali i Zi, as Ukraina nuk do ta bëjnë këtë”.

“Unë jam skeptik për hyrjen e anëtarëve të rinj deri në vitin 2030, madje edhe për Malin e Zi. Nuk jam optimist për këtë. Nëse nesër do të organizohej një referendum për hyrjen e Serbisë në BE, nuk duhet pritur një rezultat spektakolar. Vuçiq e përdor BE-në si bankomat,” shtoi Picula.