Lajme
Zvicër: Vizat e Arta nxisin debat politik dhe etik

Ndërsa tensionet ndërkombëtare dhe shtimi i regjimeve tatimore po shkaktojnë një migrim të paparë të milionerëve në mbarë botën, Zvicra po pozicionohet si një nga destinacionet më tërheqëse për elitat globale. Por mënyrat e ndjekura për të joshur këtë kategori po nxisin përplasje të forta brenda vendit, shkruan Swssinfo.ch, transmeton albinfo.ch.
Në qendër të debatit qëndron “Viza e Artë” zvicerane, një skemë që ofron të drejtën e qëndrimit për individët shumë të pasur nga jashtë BE-së, nëse ata janë të gatshëm të paguajnë shuma të mëdha nga 250,000 CHF në kantone si Obwalden, deri në 1 milion CHF në Zurich. Aktualisht, 496 persona gëzojnë këtë status, një rritje prej rreth 20% nga viti 2022.
Partitë e majta, si Partia e Gjelbër, janë në ofensivë kundër kësaj praktike. Deputeti Balthasar Glättli ngriti shqetësime serioze për barazinë ligjore dhe integritetin etik të sistemit: “Të pasurit po marrin një trajtim të privilegjuar që bie ndesh me frymën e ligjit për migracionin. Shumë nga këta individë janë oligarkë që vijnë nga regjime autoritare.”
Në kontrast, Partia Popullore Zvicerane, zakonisht kundër imigracionit masiv, mbështet këtë model si një formë të “imigracionit të dobishëm”, që sjell përfitime direkte për ekonominë, transmeton albinfo.ch.
Viza e Artë nuk është mënyra e vetme për të hyrë në Zvicër përmes pasurisë: kantonet shpesh lidhin marrëveshje të veçanta tatimore me individë të pasur, për sa kohë që ata nuk gjenerojnë të ardhura brenda Zvicrës.
Kjo i jep Zvicrës një avantazh në garën globale për kapitalin e lëvizshëm. Sipas raportit të “Henley & Partners”, rreth 128,000 milionerë ndryshuan vendbanim në vitin 2024, me më shumë se 10,000 vetëm nga Britania, ku ndryshimet fiskale dhe rënia e privatësisë po i largojnë banorët e huaj.
Por Zvicra nuk është e vetmja. Vende si Portugalia, Greqia, dhe Emiratet e Bashkuara Arabe ofrojnë skema të ngjashme. Megjithatë, presioni ndërkombëtar po rritet: BE-ja dhe OECD paralajmërojnë se këto skema mund të lehtësojnë pastrimin e parave dhe minojnë besimin ndërkombëtar. Gjykata Evropiane e Drejtësisë së fundmi shpalli të paligjshme skemën e vizave të Maltës, transmeton albinfo.ch.
E-Diaspora
-
Sulm me armë në Nju-Jork: Pesë të vdekur, mes tyre edhe sulmuesi Raportohet se katër persona, ndër ta një polic, kanë humbur jetën pasi një sulmues i armatosur...
-
Livia Sadikaj shpallet studentja më e mirë e vitit në ACT College Thessaloniki
-
Në kryeqytetin e Kosovës jehoi zëri i dy operistëve shqiptarë me famë botërore
-
Rritet puna në bizneset kosovare falë diasporës
-
Nga refugjat politik – Kryetar i Këshillit Bashkiak të Lozanës: Historia frymëzuese e Musa Kamenicës
Jeta në Zvicër
-
Ekspertët në Zvicër janë kundër “bombave me nikotinë” për të rinjtë Këto produkte – qeset e vogla, kryesisht me aromë, të vendosura midis buzëve dhe mishrave të...
-
Një rrëshqitje dheu kërcënon rajonin e Liqenit Oeschinen
-
Zvicra, ndër shtetet me pasaportën më të fuqishme në botë
-
Çmimet e ulëta të Uber ndezin zemërimin e taksistëve në Ticino
-
Autostradat, në qendër të strategjisë diellore të Konfederatës