Gjermanët e duan keshin !

Ekonomistët në Gjermani përsëri bëjnë thirrje për heqjen e parave të letrës ose të paguajnë me para në dorë, por propozimi ka hasur shumë pak mirëkuptim në mesin e qytetarëve, edhe nëse bazohen në luftën kundër krimit.

“Gjermanët e duna keshin”, shkruan Deutsche Welle, duke treguar se më shumë se gjysma, ose 53 për qind e produkteve të blera në dyqane paguhen ende me para në dorë.

Në restorante me të holla paguhet 70% e shërbimeve dhe në restorante të ushqimit të shpejtë 94%, tregoi një studim i Bundesbank.

“Anonimiteti i parave përdoret shpesh për transaksione të paligjshme apo evazion fiskal”, paralajmërojnë ekonomistët.

Heqja e parave kesh nuk është një ide e re, pesë vjet më parë ishte iniciuar nga një grup bankierësh suedezë.

Në disa vende pagesat me para të gatshme janë të kufizuara tashmë me ligj. Në Itali është 1000 euro, në Francë së shpejti do të jetë po aq, në Greqi është 500 euro.