Lajme
Zvicra propozon lehtësime në eksportin e armëve në sfondin e riarmatosjes globale

Bota po riarmatoset që nga lufta në Ukrainë, dhe kjo ka sjellë një valë kërkesa për industrinë zvicerane të armëve, veçanërisht në Evropë. Megjithatë, drejtori i shoqatës Swissmem paralajmëron se disa kompani armësh janë në krizë për shkak të rregulloreve aktuale shumë të rrepta për eksportin, shkruan 20minuten, transmeton albinfo.ch.
Qeveria federale e Zvicrës po propozon një “fleksibilizim” të Aktit të Materialeve të Luftës, i cili aktualisht ndalon eksportin e armëve dhe municioneve në vendet e përfshira në konflikte apo që shkelin të drejtat e njeriut. Sipas draftit të ri, eksportet do të lejohen në mënyrë më të gjerë drejt vendeve me status të veçantë si vendet e BE-së, SHBA-ja dhe Zelanda e Re, përveç rasteve të jashtëzakonshme që kërcënojnë interesat e politikës së jashtme ose sigurisë së Zvicrës.
Stefan Brupbacher, drejtori i Swissmem, thekson se ndryshimet janë urgjente për të shmangur zhvendosjen e kompanive jashtë vendit dhe për të ruajtur teknologjinë zvicerane të mbrojtjes. Ai argumenton se aktualisht Zvicra nuk konsiderohet një partner i besueshëm për furnizime ushtarake në rast konflikti dhe duhet të përshtasë shpejt kushtet e eksportit.
Nga ana tjetër, kritika vijnë nga e majta politike. Anëtarja e Këshillit të Shteteve nga SP, Franziska Roth, e konsideron propozimin të papranueshëm, duke e cilësuar atë si një kthim pas të ndryshimeve legjislative që kishin ndalur eksportet e armëve në vende me shkelje të të drejtave të njeriut. Ajo kërkon që rieksporti i armëve të lejohet për vendet që preken nga lufta agresive dhe shkelje e ligjit ndërkombëtar, duke përfshirë Ukrainën, si dhe në rast të sulmeve ndaj vendeve anëtare të aleancave si NATO, transmeton albinfo.ch.
E-Diaspora
-
Donikë Sejdiu mbron me sukses doktoratën në Universitetin e Cyrihut Donikë Sejdiu, studente me prejardhje nga Kumanova, ka mbrojtur me sukses të shkëlqyeshëm temën e doktoratës...
-
Gjermani: Studentët e Juridikut nga Universiteti i Prishtinës zënë vendin e 6-të në botë
-
Itali: 22-vjeçar shqiptar kapet me 12 doza kokainë
-
Presidentja Osmani pret mërgatën në një pritje tradicionale në Presidencë
-
Me biçikletë nga Zvicra në Çegran: Mërgimtari Senad Mamudi përshkon mijëra kilometra për të vizituar vendlindjen
Jeta në Zvicër
-
Ndikimi i traktateve të reja të BE-së mbi imigracionin Marrëveshja për lëvizjen e lirë të personave është më e diskutueshmja nga të gjitha marrëveshjet dypalëshe....
-
OKB në Gjenevë bën thirrje për reformë të tarifave mbi plastikën
-
Flamuri gjigant zviceran u gris nga era në rrëzë të malit
-
Dita Kombëtare e Zvicrës: Historia dhe traditat
-
Blick: Çifti zviceran u martua duke festuar në paradë makinash luksoze në Kosovë