Shkëlzen Gashi shënon golin e 22 në kampionat

keystone

Golashënuesi më i mirë në superligën e Zvicrës, Shkelzen Gashi ka shënuar golin e 22-të në kampionatin zviceran duke ndihmuar skuadrën e tij që të barazoj rezultatin 2:2 me Thunin, në ndeshjen e javës së parafundit.

Ndërsa Berat Sadiku ka shënuar dy gola për Thunin.

Futbollisti më i mirë në superligën zvicerane, Shkëlzen Gashin, i cili kryeson renditjen e golashënuesve, pas një jave do të marrë epitetin e shënuesit më të mirë në elitën e futbollit zviceran.

Në një garë të fortë për top golashënues janë dy futbollistët, Shkëlzen Gashi i Bazelit dhe Guillaume Hoarau i Young Boys.

Futbollisti shqiptar, Shkëlzen Gashi, udhëheq me 22 gola të shënuara kundrejt Guillaume Hoarau i Young Boys që ka 5 gola më pak, gjithsej 17 gola të shënuara.

Gashi është në rrugë të mirë për t’u shpallur për të dytin vit radhazi golashënuesi më i mirë në Zvicër.