Armenia në epërsi ndaj Kosovës pas pjesës së parë

Përfaqësuesja e Armenisë po avancon me rezultat 2:1 ndaj Kosovës pas 45 minutave të para të ndeshjes miqësore që po zhvillohet sot, raporton albinfo.ch.

Ndeshja nisi me fat për armenët, të cilët kaluan në epërsi në minutën e 8-të, pas një autogoli të portierit Amir Shaipi, që devijoi topin në rrjetën e vet.

Kosova arriti të rikthehet në lojë në minutën e 23-të, kur mbrojtësi Lumbardh Dellova realizoi një supergol nga distanca, duke barazuar rezultatin në 1:1.

Megjithatë, entuziazmi i “Dardanëve” nuk zgjati shumë. Vetëm gjashtë minuta më vonë, në minutën e 29-të, Armenia riktheu epërsinë përmes Eduard Spertsyanit, i cili shënoi një gol të bukur nga goditja e dënimit, raporton albinfo.ch