Xhaka-Jashari, dyshja e suksesshme te Zvicra

Dyshja shqiptare luajtën së bashku nga fillimi për Zvicrën ndaj SHBA-së

Zvicra fitoi miqësoren e dytë. Fillimisht mundi Meksikën dhe më pas SHBA-në.

Ditët e fundit është përfolur shumë nëse Ardon Jashari do të jetë zëvendësues i Granit Xhakës te Zvicra, shkruan albinfo.ch.

Por përzgjedhësi Murat Yakin, para miqësoreve, kishte thënë: “Pse jo, të dy së bashku”.

Kështu ndodhi në miqësoren e fundit ndaj SHBA-së, ku Xhaka dhe Jashari ishin nga fillimi, duke qenë liderë të mesfushës.

Në sfidën e parë ndaj Meksikës, Xhaka luajti nga fillimi, duke u zëvendësuar në pjesën e dytë nga Jashari.

Zvicra tani mund të ketë një mesfushë të re, me Xhakën dhe Jasharin që luajtën nga fillimi dhe mund të luajnë edhe në kualifikimet e Botërorit së bashku.

---