Zvicër: Rregulla të reja për biçikletat elektrike që hyjnë në fuqi nga 1 korriku 2025

(KEYSTONE/Urs Flueeler)

Nga 1 korriku 2025, në Zvicër hyjnë në fuqi rregullore të reja për përdorimin e biçikletave elektrike. Këto ndryshime kanë për qëllim rritjen e sigurisë rrugore dhe shfrytëzimin më efikas të hapësirave publike.

Kategori e re mjetesh: Futet një kategori e veçantë për biçikletat elektrike të rënda, të cilat mund të peshojnë deri në 450 kg dhe përdoren kryesisht për transport mallrash apo si mjete familjare, transmeton albinfo.ch.

Shenja rrugore të standardizuara: Shenjat me simbol biçiklete do të vlejnë tani edhe për shumicën e e-bike-ve dhe trotinetëve elektrikë (deri në 20 km/h), duke sjellë më shumë qartësi për përdoruesit.

Më shumë fleksibilitet lokal: Komunat dhe kantonet do të kenë mundësinë të vendosin vetë nëse biçikletat elektrike të shpejta apo të rënda duhet të përdorin korsitë e biçikletave.

Parkime të dedikuara: Do të krijohen hapësira të posaçme për parkimin e biçikletave të ngarkesës dhe atyre me rimorkio.

Këto ndryshime pasojnë vendimin e Këshillit Federal të dhjetorit 2024 për të përmirësuar kuadrin ligjor të mjeteve jo të motorizuara në vend.