Zviceranët ndihen të sigurt

9 nga 10 qytetarë zviceranë ndihen të sigurt në Zvicër. Kështu tregon një studim i ETH Cyrih që është publikuar të premten. Bëhet fjalë për studimin «Sicherheit 2015».

KEYSTONE

Një shumicë e madhe e të anketuarve mendonin se ka nevojë në të ardhmen për një gatishmëri të forcave të armatosura zvicerane. Gjithashtu janë të mendimit për arritjen e marrëveshjeve për bashkëpunim ndërkombëtar.

Mundësia është e vogël të ndodhë një kërcënim për Zvicrën, sipas të anketuarve. Në krye të listës së rrezikut, sikur vitin e kaluar, mbetet siguria e të dhënave nga një sulm kibernetik.

Në mënyrë të konsiderueshme më e zymtë dhe e tensionuar për zviceranët, nga ana tjetër, duket situata politike botërore. Më shumë se gjysma e të anketuarve, 55 për qind, ose 14 për qind më shumë se vitin e kaluar, e vlerësojnë si kritike të ardhmen e politikës botërore në pesë vjetët e ardhshëm.

Tri të katërtat e popullsisë zvicerane nuk përjashton mundësinë që në Evropë të shpërthejë një luftë.

Për të realizuar këtë studim janë telefonuar 1200 qytetarë, në të gjitha rajonet e Zvicrës. Anketa është kryer nga instituti kërkimor „Leger”, të cilin e publikon ETH në Cyrih, përkatësisht Qendra për Studime të Sigurisë në ETH.