Prokuroria Speciale dorëzon aktakuzë për dëbimin e popullsisë civile gjatë luftës së fundit në Kosovë

Prokuroria Speciale ka njoftuar se sot do të dorëzojë aktakuzë lidhur me dëbimin e popullsisë civile nga territori i Republikës së Kosovës gjatë luftës së fundit, përcjell albinfo.ch.

Për këtë rast, Prokuroria do të mbajë një konferencë për media për t’i dhënë detaje publikut, nga ora 11:00.

“Ju ftojmë të merrni pjesë në një konferencë për media, e cila do të mbahet me qëllim njoftimin publik mbi dorëzimin e aktakuzës për dëbimin e popullsisë civile nga territori i Republikës së Kosovës, gjatë periudhës së luftës së fundit. Konferenca do të mbahet më 15.08.23, në ora 11:00. Vendi: Objekti i Zyrës së Kryeprokurorit të Shtetit, Salla e Konferencave”, thuhet në njoftimin në Facebook.