Zvicra për momentin “shpëton” nga gripi i zogjve

Ndërsa gripi i zogjve po përhapet në Evropë, Zvicra ka qenë deri tani e përjashtuar nga shpërthimet masive tek pulat shtëpiake. Në fermën e Christoph Hagenbuch në Oberlunkhofen, Aargau, rreth 400 pula mbahen të mbyllura në stalla deri në mars, për të parandaluar kontaktin me zogjtë e egër.

Qindra mijëra pula janë asgjësuar javët e fundit në Gjermani, Austri dhe Francë, por në Zvicër, rregullat strikte të mbajtjes së pulave dhe numri i kufizuar i kafshëve në ferma ndihmojnë në frenimin e virusit. Veterinarja kantonale e Aargau, Barbara Thür, thotë se vendndodhja gjeografike gjithashtu ndihmon: ka më pak zogj migrues që kalojnë nëpër Zvicër, duke ofruar një lloj “mbrojtjeje alpinë”.

Fermerët zviceranë thonë se përveç masave strikte, edhe pak fat është i nevojshëm për të shmangur shpërthime të gripit të zogjve.