Rritet numri i punëtorëve ndërkufitarë në Zvicra, arrin në 413 mijë

Sipas Zyra Federale e Statistikave e Zvicrës, numri i punëtorëve me leje G është rritur me 1.9% në fillim të vitit 2026.

Në fund të marsit 2026, në Zvicra janë regjistruar rreth 413,000 punëtorë ndërkufitarë me leje pune G, sipas të dhënave të publikuara nga Zyra Federale e Statistikave e Zvicrës, përcjell albinfo.ch.

Kjo shënon një rritje prej 1.9% krahasuar me tremujorin e parë të vitit 2025, duke konfirmuar trendin e vazhdueshëm të rritjes së fuqisë punëtore ndërkufitare në tregun zviceran të punës.

Sipas statistikave, pjesa më e madhe e punëtorëve ndërkufitarë vijnë nga Franca, me 58.3%, të ndjekur nga Italia me 22.3% dhe Gjermania me 16.3%.

Gjatë pesë viteve të fundit, numri i tyre është rritur ndjeshëm nga 341,000 në 413,000, që përfaqëson një rritje totale prej 21.3%, duke reflektuar varësinë në rritje të ekonomisë zvicerane nga punëtorët ndërkufitarë./Albinfo.ch.

---