Zvicra mposhti Jordaninë me rezultat 4:1

Përpara se kombi zviceran i futbollit të nisej në drejtim të Amerikës së Veriut, ekipi i Yakin fitoi përsëri me rezultat 4:1 në testin në St. Gallen kundër Jordanisë. Arbitri fishkëlloi herët për shkak të motit.

Zvicra ka mposhtur Jordaninë me rezultat 4:1, në ndeshjen e sotme miqësore që u zhvillua në St.Gallen.

Ndonëse ndeshja përfundoi në minutën e 88-të me vendim të arbitrit, për shkak të motit të keq, fitorja e Zvicrës ishte bindëse dhe rezultati i pakthyeshëm në minutazhën në të cilën ndodhej ndeshja, transmeton albinfo.ch.

Për Zvicrën golin e parë e shënoi Embolo, i ndjekur nga Ndoye, pastaj Xhaka dhe goli i katërt u shënua nga Fassnacht.

Ndërkohë, Al Fakhouri ka shënuar golin e vetëm të ndeshjes për Jordaninë.

---